Category: Allar greinar

Bryndis Schram hefur skrifað merkilega bók, “Brosað gegnum tárin”. Kemur víða við: æskuminningar, Ísafjarðarár, margvísleg störf, pólitík, langdvalir í útlöndum. Dásamlegar frásagnir, skemmtilegar, litríkar, fullar af húmor og hlýju …

Skarpar svipmyndir af samferðafólki, ma. eftirminnilegar lýsingar á tengdaforeldrunum, Hannibal og Sólveigu. Líka mörgum listamönnum og stjórnmálamönnum, íslenskum og útlenskum.

Bryndís er merkileg og sterk kona, sem hefur unnið mikil afrek í lífinu. Maður hennar, Jón Baldvin Hannibalsson
er einn merkasti stjórnmálamaður Íslendinga. Í bókinni er listilega fjallað um samferð þeirra í rúma sex áratugi. Þar margt áhugavert, fagurt og skemmtilegt – og Bryndís skrifar léttan, skýran og lipran texta.

En þau hafa líka lent í mótvindi.

Lesa meira

BROSAÐ Í GEGNUM T’ÁRIN
Ég hef alltaf dáðst að hæfni Bryndísar Schram, að setja á blað, hvort sem er gagnrýni, frásagnir, eða lýsingar af hinu atburðaríka lífi sem hún hefur lifað, en ég held að þessi bók slái öllu við.

Skemmtilegar sögur úr hennar lífi verða lifandi og taka hug manns hertaki.
Síðan tekur við hinn dramatíski þáttur, sem hefur einkennt part af sögunni, og hann er erfitt að lesa þó svo að Bryndís taki frekar veikara til orða en hún hefði kannski getað.

Þar koma fram ýmsar skýringar á aðdraganda atburða sem gjarnan hefðu mátt koma fram fyrr, það hefði kannski breytt viðhorfi og hugsun fólks sem gjarnan blaðrar án þess að vita hvað um er að ræða.

Við hjónin höfum bæði lesið bókina í sitt hvoru lagi, og erum sammála að þessa bók ættu allir að lesa.
Til hamingju Bryndís.

Sæl og blessuð Bryndís mín

Nú verð ég að útskýra smávegis. Ég vinn tvö störf annars vegar sem forritari og hins vegar sem sálfræðingur (reyndar er ég í því þriðja sem krossgátuhöfundur) og það hefur verið brjálað að gera hjá mér.

Nema hvað – af því að ég er bóhemi og fylgi fáum forskriftum samfélagsins þá ákvað ég fyrir nokkrum mánuðum að ég ætlaði að kaupa mér infra-rauða saunu og setja upp í borðstofunni minni! Það er búið að vera snarbrjálað að gera hjá mér – ég vinn 12-14 tíma á virkum dögum. Ég ákvað að borðstofan yrði vinnuherbergi, hvíldarherbergi og gestaherbergi. En þegar ég kom í sauna-klefann þá hafði ég allt í einu tíma – í staðinn fyrir að vera á útopnu, æðandi á milli verka þá var ég róleg og allt í einu fattaði ég – þetta er brillant tími til að lesa! Þannig tókst mér að klára bókina þín í infra-rauðum sauna klefa.

Lesa meira

BÓKIN HENNAR BRYNDÍSAR.
Bryndís Schram, þjóðþekkt kona og umtöluð, hefur skrifað nýja bók, sem hún nefnir “Brosað gegnumtárin”. Efni bókarinnar; líf hennar sjálfrar og með eiginmanninum Jóni Baldvin Hannibalssyni. Frásögn hennar spannar allmörg ár, en tími sögunnar afmarkast ekki endilega af ártölum, fremur af atburðum, verkefnum eiginmannsins og ferðalögum.
Í upphafi bókar rifjar hún upp hamingjusama bernsku sína, fjallar um ástríka foreldra, árin í MR, ballettnám og þátttöku í leiksýningum. Fátt skyggir á gleði hennar. Hún á sér drauma um frekara nám og þátttöku í heimi leiklistar. Dansinn er hennar mesta gleði og ástríða.

Lesa meira

Það leika hvassari vindar um þá sem hærra ber. Jón er líklega snjallasti og djarfasti stjórnmálamaður 20. aldarinnar á Íslandi og þó víðar væri leitað. Bók Bryndisar á ég enn ólesna, en hlakka til lestrarins. Ég var stoltur af því að vera íslendingur, þegar utanríkisráðherrann okkar ásamt sinni glæsilegu eiginkonu birtust í andyri Kennedy Center´s á leið til mannfagnaðar á eftri árum aldarinnar (man ekki ártal). Það sópaði sannarlega að þessu fólki og aðdáun lýsti sér úr hverju andliti. Kynni okkar síðar þegar sendiherrahjónin Jón og Bryndís sátu í Washington reyndust okkur hinir bestu vinir eru kær minning frá þessum tíma.

Það sem mig langar til að segja þér, Bryndís, er, að mér finnst bókin þín vera falleg.

Ég les venjulega ekki ævisögur. Ég vel mér frekar fantasíubækur um hluti sem ekki finnast í okkar heimi, eins og dreka, galdra, álfa – og réttlæti.

En bókin þín er svo falleg, að það tók mig smá tíma að komast í gegnum hana. Á sumum stöðum einfaldlega táraðist ég og varð að taka mér smá pásu. Stundum af því að allt var svo fallegt, eða svo sorglegt – og stundum bara svo satt.

Lesa meira

Jæja elsku besta sætust, nú er komið að minni gagnrýni á bókina “Brosað í gegnum tárin”. Fyrir mann eins og mig sem aldrei hefur lesið annað en nauðsynlegar skólabækur – og telur bóklestur tímaþjóf og þar að auki líklega hrjáður af lesblindu – er þessi bók þannig gerð, að það er nánast ómögulegt að leggja hana frá sér fyrr en hún hefur verið lesin til enda.

Lesa meira

BRYNDÍS var ung að árum þjóðkunn sem ballerína, leikkona og fegurðardrottning. Lífshlaup hennar er ævintýri líkast: kennari og skólameistari, blaðamaður og ritstjóri og  fjöltyngd málamanneskja og leiðsögumaður,  þýðandi og höfundur nokkurra bóka, dagskrárgerðarkona og sjónvarpsstjarna. Stjórnandi Kvikmyndasjóðs og – með hennar eigin orðum – ólaunuð eldabuska í þjónustu ríkisins, m.ö.o. sendiherrafrú.

Frá æskuárum hefur hún verið í órofa bandalagi við mesta ástríðupólitíkus landsins. Saman hafa þau unnið stóra sigra á innlendum og alþjóðlegum vettvangi. Samt hefur hún sjaldan setið á friðarstóli. Hvað eftir annað var hún hrakin úr starfi út af pólitík. Óvægin fjölmiðlagagnrýni – eða voru það pólitískar ofsóknir? – rötuðu jafnvel inn í réttarsali.

Lesa meira

Einhver hringdi í mig snemma í morgun, og tjáði mér, að Gísli Marteinn (heitir hann það ekki?) hefði farið nokkrum háðulegum orðum um nýju bókina mína í sjónvarpssal í gærkvöldi.
Sá sem hringdi sagði, að það hefði verið góð auglýsing – virkaði vel.

Takk fyrir það – það sparar.

Svo var mér líka sagt, að einhver ömurlegasta klámbrella íslenska ríkissjónvarpsins, ever, hefði verið sýnd í afmælisþætti vinar míns, Ómars Ragnarssonar kvöldið áður – bæði ógeðsleg og persónuleg – og þar hefði ég líka komið við sögu.

Klámbrellan hét „Stundin okkar fyrir fullorðna.“ Þetta var brot úr áramótaskaupi RÚV frá árinu 1982. Á þessum árum var ég með Stundina okkar. Ég veigra mér ekki við að segja það hér og nú, að ég lagði mig alla fram um að gera þættina áhugaverða og menntandi, leit á þá sem kennslustundir fyrir upprennandi kynslóð um lífið og tilveruna, en ekki bara innantóma afþreyingu. Mér fannst ég vera að gera eitthvað sem skipti máli. Og ég hafði aldrei leitt að því hugann, að framkoma mín væri óviðeigandi, eða jafnvel ögrandi gagnvart áhorfendum. Ég klæddist þægilegum fatnaði, var frjálsleg, án þess að vera uppstríluð.

„Stundin okkar fyrir fullorðna“ frá árinu 1982 var stutt innslag, kannski fimm eða tíu mínútur. Sú mynd, sem var dregin upp af mér í þessari „Stund fyrir fullorðna“ var hatursfull og hreint út sagt kvenfjandsamleg – hreinn viðbjóður. Svívirðileg árás á mína persónu. Eins og hver önnur glyðra ota ég mínum gervibrjóstum að Þórði húsverði, sem stenst ekki mátið og hvolfist yfir glyðruna slefandi af losta. Konan sem sá um barnatímann í sjónvarpi allra landsmanna hafði sumsé fyrst og fremst í frammi kynferðislega áreitni við karlþjóðina – undir yfirskyni barngæsku.
Þetta var kveðjan, sem ég fékk frá fyrrverandi samstarfsfólki mínu í sjónvarpinu – og ég þakka fyrir það.

Elsku hjartans Bryndís mín. Ég vildi svo vera vinkona þín með stóru V. Ástæðan er sú vinan að allur þessi dagur hefur farið í að hlusta á bókina þína. Þvílíkur heiðarleiki í þér. Guð minn góður. Þú ferð sko til himna það hlýtur bara að vera. Ég er smá trufluð, alla vega get ég lýst því betur undir 4 augu á kaffihúsi td. Ég er fötluð eins og mig minnir að ég hafi sagt þer. En ég segi bara ….Bryndís húrra húrra húrra. Mér finnst ég þekkja þig eftir þennan dag….bið að heilsa kennaranum besta mínum. Þetta er ótrúlegt að þessi ákveðni fyndni góði maður hafi lent í þessum fjanda öllum.

Sigríður Ragnheiður